Op Nij Foriene spylet ‘Och Heden Heit’

OERTERP Toanielferiening Op Nij Foriene Oerterp giet los my de klucht ‘Och Heden Heit’ fan Ray Cooney. In it koart: Taksysjauffeur Jeroen-Lolle Smit hat in dûbel libben. Hy is troud mei Hanne, dêrby hat er in dochter, Elkje. By Barbara dy’t yn Ljouwert wennet hat er in soan, Gert.

Alles ûnder kontrôle oant Gert en Elkje mei-elkoar yn ‘e kunde besykje te kommen. Se hawwe oan ‘t chatten west op it ynternet en binne entûsjast rekke oer deselde namme, deselde âldens fan harren heiten, dêrom wolle se elkoar moetsje. Jeroen besiket wanhopich te rêden wat der te rêden falt, mar hy rêdt it net sûnder de help fan syn hierder Piter.

De utfierings binne op freed 27 en sneon 28 jannewaris om 20.00 oere yn De Wier yn Oerterp. Op tongersdei 26 jannewaris om 14.00 oere is de generale, ek tagonklik foar publyk. Lambert Bruin ut Lippenhuzen docht mei as gastspyler en spylet Jeroen Lolle Smit.